Təzyiqini tanı, 130/80 hədəfini unutma.
Yüksək təzyiq çox vaxt sakit və gizli inkişaf edir. 130/80 layihəsi təzyiqini düzgün ölçmək, nəticələri anlamaq və gündəlik izləmək üçün vizual, sadə və interaktiv bələdçidir.
⚠ Bu sayt tibbi diaqnoz qoymur – mütləq həkimlə məsləhətləşin.
Təzyiqin hədəf orqanlara təsiri
Aşağıdakı sürgünü sağa çəkərək təzyiqin artmasının həyati orqanları (beyin, ürək və böyrəklər) necə zədələdiyini vizual olaraq görün.
Yüksəlməmiş Təzyiq
Hədəf orqanlar tam təhlükəsizlikdədir. Qan dövranı təbii axarı ilə davam edir.
Yüksək Təzyiq: Səssiz Düşmən
Hipertoniya illərlə heç bir ağrı vermədən "hədəf orqanları" yavaş-yavaş zədələyir...
Beyin və İnsult Riski
Yüksək təzyiq beyin damarlarının divarını davamlı olaraq zədələyir. Bu proses gələcəkdə işemik insulta (beyinə qan sızması və ya tıxanması) və yaddaş zəifliyinə (koqnitiv pozuntu) birbaşa zəmin yaradır.
Təzyiqi Düzgün Ölçməyin "Qızıl" Qaydaları
Ölçmədən 30 dəqiqə əvvəl bunları ETMƏYİN:
Kofein və ya enerji içkiləri içmək, ağır yemək
Siqaret və digər tütün məhsulları çəkmək
Dərman qəbul etmək və ya məşq etmək
Ölçməyə hazırlıq:
Təsdiqlənmiş qan təzyiqi monitoru istifadə edin
Sidik kisəsi mütləq boşaldılmalıdır
Ölçmədən 3-5 dəqiqə öncə rahatlayın
Səssiz otaqda və danışmayaraq ölçün
Açıqlama
Doğru Bildiyimiz Yalnışlar
Təzyiq haqqında cəmiyyətdə yayılmış əfsanələr və onların tibbi həqiqətləri...
Başım ağrımırsa, deməli təzyiqim qaydasındadır?
Toxun və öyrən ⤵
Xeyr, bu düzgün deyil!
Hipertoniya çox vaxt heç bir əlamət vermir və buna görə “səssiz qatil” adlanır. Baş ağrısı olmasa belə, təzyiq yüksək ola bilər. Bunu bilməyin yeganə yolu təzyiqi müntəzəm ölçməkdir. Mənbə: ESC Guidelines, 2024
Dərmanı ancaq təzyiqim qalxanda içməliyəm?
Toxun və öyrən ⤵
Qətiyyən olmaz!
Dərmanları yalnız təzyiq qalxanda qəbul etməyin! Onları hər gün, həkimin təyin etdiyi kimi qəbul edin — təzyiqi nəzarətdə saxlayın və ağırlaşmaların qarşısını alın. Mənbə: ESC Guidelines, 2024
Mənim yaşım çoxdur deyə 150/90 mənim üçün normaldır?
Toxun və öyrən ⤵
Xeyr, normal deyil!
150/90 mmHg yüksək təzyiqdir. Yaşınız nə olursa olsun təzyiq nəzarətdə olmalıdır. Mənbə: ESC Guidelines, 2024
Limon suyu və ya sarımsaq təzyiqi sağaldır?
Toxun və öyrən ⤵
Müalicəni əvəz etmir!
Sarımsaq və limonun qan dövranına yüngül müsbət təsiri olsa da, onlar xroniki hipertoniyanı müalicə etmir. Bunlar sağlam qidalanmanın bir hissəsidir, dərmanın əvəzləyicisi yox.
Təzyiq kalkulyatoru – dəyərini yoxla
Aşağıya evdə ölçdüyün təzyiq dəyərlərini daxil et. Kalkulyator nəticəni təxmini kateqoriya ilə göstərəcək.
Təzyiqini daxil et
Təzyiq sual-cavab
Hazırsan? 8 sadə sualla təzyiq biliklərini yoxla.
Təzyiq gündəliyi – öz qrafikinə sahib ol
Təzyiqini bir neçə həftə ardıcıl yazdıqda, həm özün, həm də həkimin üçün aydın şəkil yaranır. Aşağıdakı form vasitəsilə ölçülərini əlavə edə və qrafikdə görə bilərsən.
Ölçülərini əlavə et və qrafikdə gör
| Tarix | Saat | Təzyiq |
|---|---|---|
| Hələ heç bir ölçü əlavə etməmisən. | ||
130/80 layihəsi haqqında
Layihənin məqsədi – təzyiq mövzusunu qorxulu, anlaşılmaz terminlərlə yox, sadə vizuallar, gündəlik həyat nümunələri və praktik addımlarla izah etməkdir.
130/80 bir rəqəmdir, amma milyonlarla insan üçün həyat keyfiyyətinin sərhədidir. Biz bu rəqəmi simvol kimi seçərək insanları daha məlumatlı, daha fəal və öz sağlamlıqlarına qarşı daha məsuliyyətli olmağa təşviq edirik.
- Sadə, vizual və başa düşülən izahlar.
- Təzyiq gündəliyi üçün real nümunə və şablonlar.
- İnteraktiv kalkulyatorlar, qrafiklər və öz “təzyiq profilin”.
Bizə yaz
Layihə ilə bağlı təklifin, sualın və ya əməkdaşlıq ideyan varsa, bu formanı dolduraraq mesaj göndərə bilərsən.